> ಆಧುನಿಕ ಜಗತ್ತು...

ಈ ಬೃಹತ್ ಜಗದಲ್ಲಿ ಹುಲುಕಡ್ಡಿ ಈ ಮಾನವ...

ಪ್ರಗತಿಯ ಭರದಲ್ಲಿ ಅವನತಿಯತ್ತ ಸಾಗುತಿರುವ...

ಕೆಲ ವರ್ಷಗಳ ಹಿಂದೆ.. ಮಾನವನಿಗಿತ್ತು ಏನೇನೋ ಕಲ್ಪನೆ

ಆದರೆ ಇಂದು ಇದೆ.. ಎಲ್ಲ ಕಣ್ಣ ಮುಂದೆನೇ

ಅತಿಯಾಯ್ತು ಈ ಮಾನವನ...

ಮುಂದುವರಿದ ತಂತ್ರಜ್ಞಾನ...

ಮುಂದುವರಿಯುತ್ತಾ ಕಳೆದುಕೊಳ್ಳುತ್ತಿದ್ದಾನೆ

ತನ್ನದೇ ಸ್ವಂತಿಕೆಯನ್ನ..

ಮಾನವ ಪೂರೈಸಿಕೊಳ್ಳಲು ತನ್ನ ಆಸೆಯನ್ನು

ಕಡಿಯುತ್ತಾ ಬಂದ ಸುಂದರ ಕಾಡನ್ನು

ಹೀಗೆಯೇ ಮುಂದುವರಿದರೆ..

ನಾಶವಾಗುವುದು ಜೀವ ಸಂಕುಲ

ಪ್ರಕೃತಿ ಸಮತೋಲನ ತಪ್ಪಿದರೆ

ಉಂಟಾಗುವುದು ಅಲ್ಲೋಲ ಕಲ್ಲೋಲ

ಬೆಳೆಯುತ್ತಿದ್ದಾನೆ ಯಂತ್ರ ಮಾನವ

ಹುಟ್ಟು ಹಾಕಿರುವುದು ಈ ಹುಲು ಮಾನವ

ಅದಕೆ ಬೇಕಾದ ಶಕ್ತಿಯನ್ನೆಲ್ಲ ಕೊಡುವ

ತನ್ನ ಅಂತ್ಯಕ್ಕೆ ಮುಹೂರ್ತ ಮಾಡಿರುವ

ಈ ಆಧುನಿಕ ಲೋಕದಲ್ಲಿ

ಬದಲಾಗಿದೆ ಜೀವನ ಶೈಲಿ

ಪ್ರಕೃತಿಯನ್ನು ಎದುರು ಹಾಕಿಕೊಂಡಲ್ಲಿ

ಮಾನವನಿಗಿಲ್ಲ ಉಳಿಗಾಲವಿಲ್ಲಿ

ಪ್ರಯತ್ನ ಪಡುತಿರುವನು ಸಾವನ್ನು ಗೆಲ್ಲಲು

ಆದರದು ಸಾಧ್ಯವಾಗದು ಯಾರಿಂದಲೂ

ಹೀಗೆ ಮುಂದುವರಿದರೆ ತಂತ್ರಜ್ಞಾನ.. ಒಂದಲ್ಲ ಒಂದು ದಿನ..

ಕಾಣಬಹುದು ಮಾನವನ.. ದುರಂತ ಅವಸಾನ...

ಇಂತಿ,

ನಾಗೇಶ್ ... :)